കവിതയുടെ തിരിച്ചറിവുകൾ
- Poetry
- Amachal Hameed
- 10-Oct-2018
- 0
- 0
- 1141
കവിതയുടെ തിരിച്ചറിവുകൾ
പട്ടിണി
താഴെവീണഴുകുംവരെ
ഔദ്യോഗികമായംഗീകരിച്ച
സൗജന്യമായിരുന്നൂ
ആദ്യത്തെ കവിത .
പട്ടിണിയാണ്
താൻ സൃഷ്ടിച്ചതിൽ
ഏറ്റവും വലിയ പാപമെന്ന
ദൈവത്തിന്റെ
വെളിപാടേറ്റടുത്ത്
അരക്കിലോ അരിയിൽ
മുട്ടി പ്രാർത്ഥിച്ചപ്പോൾ
തല്ലിക്കൊന്നു
കുരിശിൽ തറച്ചത് .
രണ്ടാമത്തെ കവിത .
പട്ടിണിയെ മൂടിവച്ചത് - നിന്റെ ഉടുതുണിയായിരുന്നില്ലേ? യെന്ന്
പരോഹിതരുടെയും
അധികാരികളുടെയും
പ്രതിക്ഷേധങ്ങൾക്കു മുന്നിലൂടെ
സദാചാരത്തിൻ്റെ പഴന്തുണി
ശരീരത്തെ തുറന്നു വിട്ടു
കാറ്റിൽ പറന്നപ്പോൾ
ആർക്കും പരിക്കു പറ്റാതെ
സദാചാരത്തിൽ നിന്നും
ലോകത്തെ
രക്ഷിച്ചതാണെന്റെ
മൂന്നാമത്തെ കവിത .
നലാമത്തെകവിത
എഴുതുന്നതിൻ മുമ്പേ
ലോകമെന്നെ
കവിതയിൽ
വിവർത്തനംചെയ്തത്
അഞ്ചാമത്തെ കവിത .
ആമച്ചൽ ഹമീദ് .
എഴുത്തുകാരനെ കുറിച്ച്
കവിതകളും നിരൂപണങ്ങളുമായി ഓൺലൈൻ സാഹിത്യമേഘലയിൽ സജീവം. കൂടുതൽ വിവരണം ഉടൻ
അനുബന്ധ ലേഖനങ്ങൾ
ഒരു അഭിപ്രായം പോസ്റ്റ് ചെയ്യുക
Your are not login