നമ്മൾ അങ്ങനെയാണ്
- Poetry
- Amachal Hameed
- 10-Oct-2018
- 0
- 0
- 1145
നമ്മൾ അങ്ങനെയാണ്
അമേരിക്കയിൽ
എയ്ഡ്സിന്റെ മാംസകൃഷി
ആരംഭിച്ച കാലവും
കമ്പോളത്തിൽ ലാഭത്തിനു വിറ്റതും
നമ്മൾ അറിയാതെ ലോകം
കറങ്ങിത്തിരിഞ്ഞ ദു:ഖവും
പിന്നെ പരിഹരിക്കുന്നത്
അമേരിക്കയിൽ
എയിഡ്സിന്റെ കൃഷി കൊയ്തു കഴിഞ്ഞ് ജീവിതം തരിശായപ്പോഴാണ് .
ശരീരങ്ങൾ ഉഴുതു മറിച്ച്‌
എയിഡ്സിന്റെ വിത്തുകൾ
വിതച്ചേപ്പിന്നെയാണ്
നമ്മളിവിടെ സന്തോഷത്തിലായത് .
ആഫ്രിക്കയിൽ കുരങ്ങുകൾ
വാലും നൂലും മറ്റി നിവർന്നു
രണ്ടു കാലിൽ നടക്കുമ്പോഴാണ്
നമുക്കു
കുരങ്ങായ് കൈയ്യിൽ നടക്കാൻ
വാല് മുളയ്ക്കുന്നത് .
അവർ തിന്നുപേക്ഷിച്ച വിസർജ്ജ്യങ്ങളുടെ
വരണ്ട മേഘങ്ങളിൽ
നമ്മളൊരു മഴവില്ലു
പണ്ടേ കൊതിക്കാറുണ്ട് .
അവിടെ
വിഷംകഴിച്ചു മരിച്ചവരുടെ
കണക്കെടുത്തിട്ടു വേണം നമുക്കിവിടെ വിഷം കഴിച്ചു തുടങ്ങാൻ .
ആമച്ചൽ ഹമീദ് .
എഴുത്തുകാരനെ കുറിച്ച്
കവിതകളും നിരൂപണങ്ങളുമായി ഓൺലൈൻ സാഹിത്യമേഘലയിൽ സജീവം. കൂടുതൽ വിവരണം ഉടൻ
അനുബന്ധ ലേഖനങ്ങൾ
ഒരു അഭിപ്രായം പോസ്റ്റ് ചെയ്യുക
Your are not login