150#ഗാന്ധിജയന്തി

ഒരു മുണ്ടുത്ത് മറുമുണ്ടും പുതച്ച്

തെരുവിലൊരു വടിയുമായ്

നില്പതുണ്ടിന്നും ഗാന്ധി..

വീണ്ടും വന്നുവെന്നോ ഗാന്ധി-

ജയന്തിയിന്നും, നമ്മിലൊരോർമ്മയായ്

ഒരൊന്നര പതിറ്റാണ്ടിൻ ചരിത്രം?

അധിനിവേശാ,ടിമത്തത്തത്തി-

ന്നിരുളോർമ്മയിൽ നിന്നും വടിയൂന്നി-

മുന്നേയൊരു ദീപശിഖയുമേന്തി

സത്യാ'ഗ്രഹിയായൊടുങ്ങിയ 

ഈ രാഷ്ട്രപിതാ-മഹാൻ.

മുണ്ടില്ലാഞ്ഞിട്ടല്ലർധനഗ്നനാം 

ഫക്കീറായ് തെരുവിലലഞ്ഞത്

നിയമം പഠിക്കാഞ്ഞല്ലാ ബാരിസ്റ്റർ

കടപ്പുറത്തു തല്ലുംമേടിച്ചുപ്പ് കുറിക്കിയത്

ഒരൂന്നുവടിയും കുത്തി, ദണ്ഡിയാത്ര നയിച്ചത്

സവർണ്ണനല്ലാഞ്ഞിട്ടല്ല, വൈക്കം സത്യാഗ്രഹത്തിലും

ഗുരു'വിനോടൊത്ത് സമരം പിന്തുണച്ചത്..

..............

എവിടെയിന്നാ കണ്ണട..?

പച്ചക്കറൻസിയിലിടതുവശം

അലങ്കാരചിത്രമാക്കാനായൂരി-

"സ്വച്ഛ്ഭാരതം" ചമച്ചുവോ?

എവിടയാ ഖാദിച്ചർക്ക..?

പഴേപാശ്ചാത്യ'പ്രഭുക്കൾക്കും

കളിപ്പാട്ടമായ് കറക്കാൻ സ്വർണ്ണ-

ഖാദിനൂൽ ചുറ്റിയോ?

എവിടെയാ ഊന്നുവടി..?

തല്ലിയൊടിച്ച്, പല തെരുവുകളിൽ-

ദളിതനെ'ത്തല്ലുന്ന ദണ്ഡാക്കി മാറ്റിയോ?

എവിടെയാ നെഞ്ചിൽ തുടിച്ച 'മിടിപ്പുകൾ'..?

മൂക്കൂത്തി റാം-സർക്ക്,ഏഴു- 

വെടിയുണ്ടകളുതിർക്കുവാൻ 

മറയായ് മാറ്റിയ മാറിടമാക്കിയോ?

എവിടേ പാർലമെന്റിൽ-മഹാത്മാവിൻ ചിത്രം..?

ദാ.മോ.സവർക്ക് കീഴിലായ്, ചുവരിൽ 

വെറുമൊരു ചിരിയായ് തൂങ്ങിയാടി-

ഭാരത നഞ്ചകത്തിന്നുള്ളറകളിലെ

വിലാപമായ് വിലയിച്ചിടുന്നുവോ?

....

എവിടെയാ കുറ്റിച്ചൂല്...

ഗാന്ധിപ്രതിമയിലെ പോട്ടിയ-

കണ്ണാടിഫെയിമിലെ മാറാലകൾ-

തൂത്തു വെടിപ്പാക്കുന്നതിൻ മുന്നേ..

തല്ലിത്തുടയ്ക്കണം, ശുചിയാക്കണം ചിലചില

പൊയ്മുഖങ്ങൾ, മുതലക്കണ്ണീർ- 

പൊഴിക്കുന്ന ജീർണ്ണ ഭാവങ്ങളേ, പിന്നെ-

പെട്രോൾതളിച്ചു ചുട്ടെരിക്കണം ചില-

മാലിന്യക്കൂമ്പാരത്തിൽ

പല്ലിളിച്ചു ചിരിക്കും പൂർവ്വ-

അജീർണ്ണ സ്മൃതികളേം...

..............................

കൊളാഷ്പെയിന്റിങ്ങ്

മോഹനൻ 02.02.2018