മറവി

---------മറവി--------
മറവിയൊരു മരുന്നാണെന്നു
പഴമക്കാർ എന്നാൽ
അതൊരലങ്കാരമാണ് ,
ആശ്വാസമാണ് ,
മറവിക്ക്‌ മരുന്ന്
ശിക്ഷയാണെന്നു
പഠനം
ആവർത്തനം
പഠനത്തിന്റെ
മാതാവെന്നു മറവി ,

മനഃപൂർവ്വം
മാറ്റിവയ്ക്കുന്നൊരു
മറവിയുണ്ട് !
ഓര്മകള്ക്കുള്ളിൽ
കൂടുകൂട്ടിയിട്ടു
മറന്നുപോകുന്നവർ ,
വിസ്മൃതിയുടെ ലോകത്തേക്ക്
കടന്നുപോകാൻ വിധിക്കപ്പെട്ടവർ ,

നഷ്ടപ്പെടുന്നത്
വേദനയെന്നറിഞ്ഞിട്ടും,
വിട്ടുകൊടുക്കുന്ന
സ്നേഹത്തള്ളലിന്റെ,
കണ്ണകന്നാൽ മനസ്സകലും
എന്നറിഞ്ഞിട്ടും,
കാണാതെ വാശിയെ
പുണർന്നു മരിക്കുവോർ ,
ചങ്കു തകർന്നു പോകുന്നതറിഞ്ഞിട്ടും
മറവിയാം ചാരുകസേരകൾ
അന്വേഷിക്കുന്നവർ ,

പിന്നെയും മറവിയുണ്ട്
അമ്മയുടെ ,അച്ഛന്റെ ,
കൂടെപ്പിറപ്പിന്റെ
അഗ്നിയിൽ സ്പുടംചെയ്തെടുക്കുന്ന
പതഞ്ഞുയരും പയസ്സുപോലെ
നിറഞ്ഞു തൂവുന്നൊരു മറവി
ഉള്ളതൊക്കെയും മക്കൾക്കായ്‌ കരുതീട്ടു
ഒരുനോക്കു കാണാൻ
കാലങ്ങൾ തപസ്സനുഷ്ഠിക്കുന്ന ,
മനസ്സിൻ മടുപ്പിലേക്കു
മിഴിതൻ തെളിച്ചത്തിലേക്കു
വിരുന്നെത്തുന്നൊരു
നിസ്സംഗതയുടെ മറവി ,

നിത്യവും കണ്ടിട്ടും
മനസ്സറിയാതെ കാഴ്ചകളിൽ
വിദൂരതകൾ തിരയുന്നൊരു മറവി ,
അതാണസ്സഹനീയം !
ദൂരങ്ങൾക്കതീതമായൊരു
സ്നേഹത്തിരമാല പൊങ്ങുന്ന
ഓർമ്മചെപ്പിലൊളിക്കാൻ ,
നീയും മറവിയെ
കൂട്ടുപിടിക്കു ....
ഇന്നിൻറെ മുഖം
വിവർണമായിടുമെങ്കിൽ!!!! l

ടാഗുകൾ

കഥകൾ/ചെറുകഥകൾ കവിതകൾ ലേഖനങ്ങൾ ചിത്രങ്ങൾ വീഡിയോകൾ പോഡ്കാസ്റ്റ്

എഴുത്തുകാരനെ കുറിച്ച്

Agnes. VR

ഞാൻ ആഗ്നസ് വി.ആർ... ആനുകാലികങ്ങളിൽ എഴുതാറുണ്ട്,കവിതകളോട് പ്രിയം, എറണാകുളം ജില്ലയിലെ കുമ്പളങ്ങി സ്വദേശി .GHSS Puthanthoduസ്ക്കൂളിൽ അധ്യാപികയാണ്. ഭർത്താവും ഒരു മോളും അടങ്ങുന്ന കൊച്ചു കുടുംബം., ഭർത്താവ് താലൂക്ക് ഓഫീസിൽ വർക്കു ചെയ്യുന്നു.. മോൾ MBBS ന് പഠിക്കുന്നു.