ഞാനും നീയുമല്ലാ നമ്മളെന്നൊറ്റ വാക്ക്

എന്റെ പ്രണയകുറിപ്പിനു താഴെ 

വലതുഭാഗത്തു നീയും
നിന്റെ പ്രണയാക്ഷരങ്ങൾക്കു താഴെ
വലതുഭാഗത്തു ഞാനും
ഹൃദയരക്തത്താലൊരു
കൈയ്യൊപ്പ്
ഞാൻ കുറിച്ചത് എന്റെ പ്രണയം
നീ വരച്ചത് നിന്റെ ഹൃദയം
രണ്ടും രണ്ടായിരുന്നു
ഒന്നിനോടൊന്നു ചേർന്നുപോകാത്ത...,
രണ്ട് ഇഷ്ടങ്ങൾ

പ്രണയത്തിന്റെ ഇന്ദ്രജാലം...........,,

എനിക്കും നിനക്കും തെറ്റി
മിഴികളിൽ പതിഞ്ഞത്.....,,ഇടതുഭാഗം
മുകളിലായി
നാമാദ്യംകുറിച്ച ഇഷ്ടമെന്ന ഒറ്റവാക്ക്
താഴെ ചിതറികിടപ്പുണ്ട് നമുക്കിടയിൽ ചേരുംപടിചേരാത്ത ആയിരമിഷ്ടങ്ങൾ
രണ്ടുഹൃദയങ്ങളിൽ രണ്ടായിതന്നെ

വായിച്ചില്ലാ..............,,ഞാനും നീയും മുഴുവനായി നമ്മെ

എന്നില്‍ തുടങ്ങി നിന്നിലേക്കെത്തി.....,
നമ്മളായില്ലാ
തിരച്ചും അങ്ങനെ തന്നെ
പിന്നെയെങ്ങനെയാണ് നമ്മള്‍ പ്രണയത്തിലായത്

നി + ഞാന്‍ = നമ്മളെന്നെഴുതു
ന്നിടത്ത്
ചേര്‍ത്തുവെക്കാൻ കഴിയുന്ന ചില-
ഇഷ്ടങ്ങളുടെ ബലത്തിൽ
എന്റെ പ്രണയകുറിപ്പിനും......,നിന്റെ
പ്രണയാക്ഷരങ്ങൾക്കും താഴെ
ജീവിതംകൊണ്ടൊരു
. കൈയ്യൊപ്പ്
ഇഷ്ടമെന്ന മറുവാക്ക്.......
ഇനി ഞാനും നീയുമില്ലാ....,,
നമ്മളെന്നൊറ്റ വാക്കിൽ തുടരാം
നമ്മുടെ പ്രണയം

അപ്പോഴും ...., ബാക്കിയാകും ചേരുംപടി ചേരാത്ത ചില
ഇഷ്ടങ്ങൾ

- ലിനീഷ് ലാൽ മാധവദാസ്