ഗന്ധർവവീണ

               ഗന്ധർവ വീണ

പാലമരപൂക്കൾ ചിരിക്കാത്ത,

വാകപ്പൂവാസന വീശാത്ത,

മഞ്ഞുതുള്ളികൾ ചുംബിക്കാത്ത,

ഈ ഇടവഴികളിലൂടെ,

ഞാൻ ഇന്നും തിരയുന്നു

രാത്രിയുടെ മൂന്നാം യാമത്തിൽ,

ദേവലോകം മറന്നു ഭൂമിയൽ പതിച്ച,

ഗന്ധർവതാരകം നടന്ന വഴിയേ,

നാലകത്തേ തേവരു

പൂനിലാവായി വഴി കാട്ടുന്നു

ഈ വൃച്ചികമാസ തണുപ്പിൽ,

രാത്രിയുടെ മൂന്നാം യാമത്തിൽ,

ഭൂമിയൽ പതിച്ച ഗന്ധർവതാരകം

ആ വിരലാൽ വീണ മീട്ടുന്നത് കേൾക്കാൻ

ഇന്നും ഞാൻ കാതോർക്കുന്നു.......

               അശ്വതി വടക്കേൽ