ബ്രേക്ക് അപ്പ്

"ഒട്ടുമിക്ക മഹത്തായ സൃഷ്ടികളും പ്രണയനൈരാശ്യത്തിൽ നിന്നും ഉണ്ടായതാണ്..."

സംശയദൃഷ്ടിയോടെ അയാൾ എന്റെ മുഖത്തേക്ക് നോക്കി.

"എന്താ സംശയമുണ്ടോ..? നോക്ക്, ഷാജഹാന്റെ താജ്മഹൽ.."

"ശ്രീബുദ്ധന് ബോധോദയം ഉണ്ടായത്"

"അദ്‌നാൻ സാമി മനോഹരമായ ഗാനങ്ങൾ ഉണ്ടാക്കിയത്"

"സിഗ്മണ്ട് ഫ്രോയിഡ് സൈക്കോഅനാലിസിസ് കണ്ടുപിടിച്ചത്"

"എന്തിനേറെ പറയുന്നു, ക്രൊയേഷ്യയിലെ സാഗ്രെബിൽ ഉള്ള 'മ്യുസിയം ഓഫ് ബ്രോക്കൺ റീലേഷന്ഷിപ്സ് ', ഒലിങ്ക വിസ്റ്റിക്ക എന്നയാളുടെയും പ്രണയിനി ഡ്രെസൻ ഗ്രുബിസിയുടെയും വേർപാടിൽനിന്നും ഉണ്ടായതാണ്....." പ്രചോദനം നൽകുവാനായി പിന്നെയും എന്തൊക്കെയോ ഞാൻ അയാളോട് പറഞ്ഞു.

മുഖത്തു ആത്മവിശ്വാസത്തിന്റെ പുഞ്ചിരിയോടെ അയാൾ എഴുന്നേറ്റു പോയപ്പോൾ, എന്റെ കണ്ടുപിടിത്തത്തിൽ എനിക്ക് വലിയൊരു ആത്മവിശ്വാസം തോന്നി.

-രഞ്ജിത്കുമാർ . എം