Aduppu

പുകഞ്ഞയടുപ്പും

      എരിയുന്ന പള്ളകളും.......!!!!

കരിഞ്ഞടുപ്പ്‌ പകമൂത്ത്‌

പുകതുപ്പി പകലത്രയും,

ഊ രയിലൂന്നി

ഉയിരെടുത്തൂതിയാ

തള്ള പിന്നെയും,

കണ്ണിലെ കരടല്ല 

തള്ളെ ഇത്‌, ന്റെ

നെഞ്ചകം കരിഞ്ഞ

പുകയാണിതെന്നടുപ്പ്‌,

ചില്ലകളുറുത്ത്‌ ചെത്തിമിഌക്കി

പിന്നെയറ്റം കൂർപ്പിച്ച്‌

കുത്തിനോവിച്ച്‌,

കരിയെടുത്ത്‌ 

കരക്കിട്ട്‌ കനലൊഴിച്ച്‌

വാശീ തീർത്ത്‌ തള്ള,

പുക പതച്ച്‌, പിന്നെ

പക തുടിച്ചടുപ്പും നിന്നു,

പുകയാതെ നീറാതെന്നടുപ്പേ,

നീപുകഞ്ഞാല്‍

അതിലേറെ പുകയുന്ന

പള്ളയുണ്ടെന്‍ പിള്ളകള്‍

ക്കെന്ന്‌ തള്ള,

മുന്നൊരുക്കമില്ലാത്ത

മുന്നറീപ്പിന്‍ പ്രതീകമാണടുപ്പ്‌,

ആദിപ്രളയത്തിന്നുറവ

പൊട്ടിയൊലിച്ചതെന്‍

നാഭിയില്‍ നിന്നാണന്ന്‌

മറക്കരുതെന്നടുപ്പ്‌,

പുകഞ്ഞടുപ്പും

ഊ തിയൂതി തള്ളയും,

കാലങ്ങളായി 

പടവെട്ടിയടുക്കളയില്‍........