തിരയും തീരവും

തിരയും തീരവും പ്രണയിച്ചു.... ഒരിക്കലും സ്വന്തമാവില്ലെന്നറിഞ്ഞും തിര തീരത്തെ ആഞ്ഞു പുൽകി ...
മണൽ തരികളായി അവൾ അവനിൽ അലിഞ്ഞു ചേർന്നുകൊണ്ടിരുന്നു.
സൂര്യനവളെ പൊള്ളിച്ചപ്പോഴൊക്കെ
തിരയെത്തി അവളിലെ ചൂടേറ്റു വാങ്ങി തണുപ്പിച്ചു.
തിര കാണാൻ
തീരത്തെത്തുന്നവരിൽ ചിലർ കോറിയിട്ട അക്ഷരങ്ങൾ
അവളെ മുറിവേൽപ്പിച്ചപ്പോഴൊക്കെ തിര ഓടിയെത്തിവാരി
പുണർന്നു അവളിലെ
മുറിവുണക്കി തിരികെ
പോയിരുന്നു..
വർഷകാല തിരയെ തടയാൻ ആരോ കെട്ടിപ്പൊക്കിയ
കടൽ ഭിത്തികളിൽ ആർത്തു തല്ലി
കരഞ്ഞവളെയവൻ സ്നേഹിച്ചു.
ചിലപ്പോൾ തിരയെടുത്ത തീരമായവൾ അവനിൽ അലിഞ്ഞില്ലാതെയായി