സൈക്കിൾ

കിട്ടിയിരുന്ന തുച്ഛമായ കൂലിയിൽ നിന്നും മിച്ചം പിടിച്ചു ആ അച്ഛൻ അവനൊരു പഴയ സൈക്കിൾ വാങ്ങി കൊടുത്തു.

അവൻ്റെ സന്തോഷത്തിന് അതിരില്ലായിരുന്നു. 

അച്ഛന് സുഖമില്ലാതെ ആയപ്പോൾ ആ സൈക്കിളിൽ അവൻ പത്രമിടാനും പാലിടാനും ഒക്കെ പോയി, അച്ഛനെ ചികിത്സിച്ചു. 

ഒരു ദിവസം അച്ഛന് വിലകൂടിയ ഒരു മരുന്ന് വാങ്ങാൻ കാശ് തികയാതെ വന്നപ്പോൾ അവൻ ആരോടും പറയാതെ ആ സൈക്കിൾ വിറ്റു.

ആ മരുന്ന് കഴിച്ചിട്ടും, അച്ഛൻ മരിച്ചു പോയി.

ഡോ. രഞ്ജിത്ത്കുമാർ. എം