തൂലിക

തൂലിക അക്ഷരങ്ങളെയും ആശയങ്ങളേയും
പെറ്റിട്ടതിന്
ആദ്യം അവർ കൈപത്തി വെട്ടി....
പിന്നീടവർ നിരോധനം ഏർപ്പെടുത്തി...
എന്നിട്ടും
ഊർജസ്വലതയോടെ
ആശയങ്ങൾ പിറവികൊണ്ടു...
പിന്നെയവർ ജീവിച്ചിരിക്കെ
മരണം വരിച്ച എഴുത്തുകാരൻ്റെ
ബലിചോറുണ്ടു......
പക്ഷെ,
അവിടെയും ജയം നുണഞ്ഞത്
ആശയം മാത്രം...
പിന്നീടവർ
തങ്ങൾക്കുനേരെ തൂലിക ചലിപ്പിച്ച
പേനവിരലുകൾക്ക് നേരെ
നിറയൊഴിച്ചു....
ആ തോക്ക് ഇന്നുതിർത്തത്
ഗൗരിക്കുനേരെയാണ്....
നാളെ അത്...
എനിക്കും നിനക്കും മുൻപിൽ വന്നെന്നിരിക്കാം... 

- കീർത്തി ( ശ്രീ )