ദൈവങ്ങൾ ജനിക്കുന്നു.

പ്രതിഷ്ഠയുടെ അടുത്തു വരെ ചെന്നെത്താൻ ബുദ്ധിമുട്ടു ആയതുകൊണ്ട് എളുപ്പത്തിനായി ഗേറ്റിനരികിൽ കുത്തിനിർത്തിയ കൽത്തൂണിൽ തൊട്ടു വന്ദിച്ചിട്ടു ഞാൻ പ്രദക്ഷിണത്തിനായി നടന്നകന്നു. എന്റെ പിറകിൽ ആളുകൾ ക്യൂ ആയി നിൽക്കുന്നുണ്ടായിരുന്നു.

പ്രദക്ഷിണം കഴിഞ്ഞു ചെരുപ്പ് എടുക്കാനായി തിരികെ വന്ന ഞാൻ ആ കാഴ്ചകണ്ടു ഞെട്ടിപ്പോയി...

എല്ലാരും ക്യൂ നിന്ന് ആ കുത്തിനിർത്തിയ കൽത്തൂണിൽ തൊട്ടു സാഷ്ടാംഗം പ്രണമിക്കുന്നു, പൂക്കൾ അർപ്പിക്കുന്നു.

-രഞ്ജിത്കുമാർ. എം