ചോരയുടെ നിറം

===== ചോരയുടെ നിറം =====

      •••••••••••••••••••••••••••••••••••••••••••••••••••••••••••

          കരങ്ങളൊത്തു പിടിച്ചു നടന്നു

          നാമൊരു കൂട്ടായി സ്കൂള്‍ വരാന്തയില്‍

          അന്നു നമ്മളില്‍ കൊണ്ട മുറിവിലെ

          ചോരകള്‍ക്ക് ഒരു നിറം മാത്രമായിരുന്നു.

          കാലം ആയുസ്സിന്‍ ദൂരം കുറയ്ക്കുന്ന ദിനം

          നമ്മള്‍ പലതായി പിരിഞ്ഞു.

          പലരും നമ്മളില്‍ തിരുത്തിക്കുറിച്ചു

          ജാതിയുടെയും മതത്തിന്‍റെയും

          സത്യങ്ങളില്ലാത്ത വേര്‍തിരിവുകള്‍.

          കൂട്ടായി രാഷ്ട്രീയത്തിന്‍ നിറം

          മാറിയ കൊടികള്‍ പലതും.

          പല തവണ പരസ്പരം വെട്ടിമുറിച്ചു

          ശരീരങ്ങളെ പലതായി.

          മതത്തിനു വേണ്ടിയാണോ

          രാഷ്ട്രീയത്തിനു വേണ്ടിയാണോ...?

          പൊടിഞ്ഞു വീണ ചോരയ്ക്കോ

          കുഞ്ഞുനാളില്‍ കണ്ടു മറന്ന

          ഒരു നിറം മാത്രം.

          കുഞ്ഞുനാളിലറിഞ്ഞ ചോരയ്ക്ക്

          പ്രായം ശരീരത്തെ കവര്‍ന്നപ്പോള്‍

          തിരിച്ചറിയുവാന്‍ കഴിയാതെ നാം പല വഴികളില്‍.

          മൂന്നടി മണ്ണില്‍ ലയിക്കും മുന്‍പെ

          നമ്മളറിയുമോ നമ്മുടെ ചോരയ്ക്ക്

          ഒരു നിറം മാത്രമെന്ന്.

          വെട്ടിയെറിഞ്ഞതോ ബുദ്ധിശൂന്യരായി

          നാം നമ്മുടെ സ്നേഹബന്ധങ്ങളെ.

•••••••••••••••••••••••••••••••••••••••••••••••••••••••••••••••••••••••••••

                                                   06.04.2018

                                         സജി ( P Sa Ji O )